عاريف کسکين: " پروبلئم رئژيمله باغلي گؤرونسه ده، اصلینده، تفککورده ياتان ميللي آيري - سئچکيليکدير "
" موخاليف ليدئرلر بؤتؤن حقوقلار حاقيندا دانيشير، آما نؤوبه غير ـ فارس میللتلرين عاقيبتينه، مدني حاقلارينا يئتيشنده، سوسورلار "
اصلا ايراندان اولان تؤرکیه لي سياسي ائکسپئرت عاريف کسکين " آزادليق " راديوسونا موصاحيبه وئريب. موصاحيبه ني ايختيصارلا تقديم ائديريک:
- ايراني قاينار قازانا بنزه ديرلر. بير قايدا اولاراق بير نئچه اون ايلليکدن بير بو اؤلکه قاينايير. ايسلام اينقيلابي نين 31- جي ايلدؤنومونده باش وئرن بو حاديثه لر ماهيتجه دئموکراتيک دييشيکليکلر احتيياجيندان دوغور؟
- بو گون ايراندا ياشانان موباريزه يه « دئموکراتيک موباريزه دئييل » دئمک اولماز. ايندي ايراندا دئموکراتيک حرکت وار. ان گؤزچارپان حرکت ايسه پرئزيدئنت سئچکيسيندن سونرا فورمالاشميش «ياشيللار» حرکتيدير. آنجاق بو اؤلکه ده غئيري - فارس میللتلر، خصوصن ده آذربايجان تؤرکلري بئله دوشونور کي، بو « ياشيل » حرکت دئموکراتيک موباريزه آپارسا دا، اونون دئموکراتيک سيستئم قورا بيله جگينه اينانماق سادلؤوهلوکدور.
- اوميدسيزليک ندن قايناقلانير؟
- ايران مونوئتنيک بير اؤلکه دئييل. غير- فارس میللتلر، خصوصيله ده آذربايجان تؤرکلري دوشونورلر کي، ايراندا دئموکراتييا اولاجاقسا، بو، يالنيز بؤتؤن ائتنيک و ديني قروپلارين سياسي سيستئمده تمثيل اولونماسي نتيجه سينده باش وئره جک. آذربايجان تؤرکلري 20- جي عصرين اوللريندن، مشروطه اينقيلابيندان تا گونوموزه ده ک بو فيکره ساديقدير و اونو مودافيعه ائدير. اونلار حاقلي اولاراق دئييرلر کي، ايراندا فارس مرکزيت چي سيستئم هئچ بير زامان دئموکراتيک نتيجه لر وئره بيلمز و اونلارين تفککورو ايله « دئموکراتيک موباريز » ده ديکتاتورلوقلا نتيجلنر. ايران تاريخينده بونو تصديق ائدن ميثال لار سايسيزدير. ميثال اؤچؤن، مشروطه اينقيلابي فونوندا سياسي آرئنايا چيخان آذربايجان تؤرکلرينه قارشي مرکزچي فارس میللتچيليگي نين آپارديغي موباريزه و نتيجه ده رضا شاه ين حاکيميته گليشي.
ايسلام اينقيلابيندان سونرا دا ايران آذربايجانيندا دونيوي دؤولت اوغروندا موباريزه باشلادي. بو حرکت « خلقي موسلمان » آدلانيردي، رهبري دينين دؤولتدن آيريلماسيني تبليغ ائدن شيخ شريت مداري ايدي. هله او دؤورده بو حرکت آچيق دئييردي کي، ايراندا دئموکراتييا اولاجاقسا، بو، يالنيز تهران لا کيفايتلنه بيلمز. دئموکراتيک ايدئيالار غيري- فارس میللتلره ده شاميل ائديلمه لي، اونلارين دا مدني حاقلاري تانينماليدير. نينکي بو دئموکراتيک ايسته يه حؤرمت ائديلدي، عکسينه، بؤتؤن فارس آيدينلار ديني رهبر خميني نين اطرافيندا توپلاندي و « خلقي موسلمان » حرکتي ياتيريلدي. درحال دا آيتوللاه خميني توتاليتاريزمي باشلادي.
« پروبلئم رئژيمده يوخ، تفککورددير »
- تاريخده ياشانميشلاري بير کنارا قويساق، نئجه ائتمک لازيمدير کي، بو حرکت ايراندا ياشايان بؤتؤن میللتلري، ديني رئژيمدن نارازي بؤتؤن اينسانلاري اؤزونده بيرلشديرسين؟
- پروبلئم رئژيمله باغلي گؤرونسه ده، اصلینده، تفککورده ياتان ميللي آيري- سئچکيليکدير. توتاليم، « وطنداش آنلاييشي » مثله سي. ايراندا ياشايان غيري - فارس میللتلر ايران خالقي نين 2/3- ني تشکيل ائدير. بو میللتلر تاريخ بويو بو دؤولته فارس میللتيندن آز خيدمت ائتمه ييب. آنجاق تبليغات ائله بير فورمادا قورولوب کي، « ايران » دئينده، فارس اؤلکه سي، « ايران وطنداشي » دئينده ايسه، فارسلار نظرده توتولور. سانکي، بو اؤلکه نين اصيل صاحيبي فارسلاردير، باشقا میللتلر ايسه اوردان - بوردان گلمه ديرلر. توتاليم، فوتبول اوزره ايران ميللي کومانداسي نين عضولريني داشييان آوتوبوسون اوزرينده « فارس اولدوزلاري » يازيلير. آخي، بو ميللي کوماندادا اوينايان فوتبولچولارين اکثريتي غيري - فارسلاردير. بو جور ايشلرله غير - فارس میللتلر يادليق هيسس ائدير، اؤزلرينه حاقلي اولاراق ميللي کيمليک آختارماغا باشلايير. بونا گؤره ايراندا دئموکراتيک حرکتين اوغور قازاناجاغينا ايناميم آزدير. دئموکراتييا کوللئکتيو کيمليگي قبول ائدن قورولوشدور. کوللئکتيو کيمليک قبول اولونمورسا، فردي کيمليکدن صؤحبت گئده بيلمز. ايراندا آپاريلان موخاليف موباريزه نين، « ياشيللار » حرکتي نين دئموکراتييا آنلاييشي بو دئييل. اونلارين تک بير کوللئکتيو آنلاييشي وار : ايرانلي، يعني فارسلار. دئموکراتييايا بو جور ياناشيلديغي اؤچؤن تبيي کي، غيري - فارس میللتلر بو حرکتي بويکوت ائدير.
« ايرانداکي موباريزه اينسان حاقلاري اوغروندا دئييل، دونيويليک اوغروندادير »
- عاريف بي، آنجاق بؤيوک بير اؤلکه ده خالقين اکثريتي نين قبول ائتمه ديگي بير سياسي رئژيمه قارشي بير حرکت وارسا، مومکون دئييل کي، بو حرکت بو موخاليف اينسانلارين حاقلاريني نظره آلماسين. يعني، بو قدر امينسينيز کي، موخاليف حرکت اؤزونده اينسان حاقلاريني تاماميله احتيوا ائتمير؟
- ايراندا گئدن سياسي موباريزه حاقيندا دوشونرکن 2 مثله ني اونوتماماليييق. اونلاردان بيري بودور کي، « ياشيل » حرکت اينسان حاقلاري دئييل، دونيويليک اوغروندا موباريزه آپارير. هرچند، دئموکراتييا اوغروندا موباريزه آپارديغي دئييلسه ده، ايراندا ياشايان فرقلي میللتلره منسوب ميليونلارلا اينسانين ايفاده آزادليغي تانينمير. اونون طلب ائتديگي شئي سادجه، « دؤولت ديندن آيريلماليدير » شعاريدير. ايکينجيسي ايسه، فارس میللتچي آيدينلار بو ايسلام اؤلکه سيني فارس دؤولتي اولاراق تانيميرلار. اونلار دوشونور کي، فارس کيمليگي شيه کيمليگي نين تاپداغي آلتيندا ازيلير. بونا گؤره آياغا قالخيب عالي عيرق اولان فارس کيمليگيني عرب اصيللي شيعه کيمليگي نين عصارتيندن خيلاص ائتمک لازيمدير. « ياشيل » حرکت اصلینده ايرانلي کيمليگيني، فارس کيمليگيني ديني کيمليک ماسکالاريندان خيلاص ائتمک، اونو تميزله مک و يئنيدن اوجالتماق مقصدي ايله موباريزه آپارير.
- اوندا بئله دوشونمک اولارمي کي، بئله وضعيتده سياسي رئژيم دييشيلرسه، ايرانين ايکينجي بالکان اولماق احتيمالي وار.
- تأسوف کي، بو احتيمال وار و مومکون پروقنوزلار ايچينده او، داها چوخ رئال گؤرونور. اؤزونوز دوشونون، قفيلدن رئژيم دييشيلير و عصرلر بويو بير يئرده ياشاماغينا باخماياراق بير - بيرينه ائله ده حؤرمتي اولمايان میللتلرين الينه آزادليق و آرزولاريني رئاللاشديرماق ايمکاني دوشور. کيم دئيه بيلر کي، ايران بالکان اولا بيلمز؟ چونکي بالکان اولماق شرايطي مؤوجوددور. میللتلر آراسيندا نيفاق، ائلجه ده بو میللتلره حؤرمت بسليه جک دئموکراتيک سيستئم يوخدور. تبيي کي، فارس- تؤرک ، کورد- فارس، فارس- عرب ساواشلاري چيخا بيلر. ايرانين بالکان اولماماسي اؤچؤن ان آزي موخاليف حرکتلرين ايچينده اصل دئموکراتييا اولماليدير. هئچ اولماسا موخاليفلر اينسان حاقلارينا، میللتلرين مدني حاقلارينا حؤرمت بسله مه ليدير. سيز فيکير وئرين، موخاليف ليدئرلر بؤتؤن حقوقلار حاقيندا دانيشير، آما نؤوبه غير - فارس میللتلرين عاقيبتينه، اونلارين مدني حاقلارينا يئتيشنده، سوسورلار.
« ايراندا مدني حاقلاردان دانيشاني آمئريکا جاسوسو آدلانديريرلار »
- سيزين بو فيکيرلرينيزه آلتئرناتيو اولاراق ايران موخاليف ليدئرلري ده قئيد ائدير کي، غيري - فارس میللتلرين مدني حاقلاري کونستيتوسييادا نظرده توتولدوغو فورمادا رئاللاشسا، اؤلکه پارچالانار…
- بونو هامي بيلمه ليدير کي، هئچ بير دئموکراتيک اؤلکه ده اؤلکه بؤلونر دئيه، میللتلرين حاقلاري اليندن آلينا بيلمز. دئموکراتييا کؤنوللو ، آرزولو ايشتيراکدير. بير يئرده تزييق، تحريک، قورخو وارسا، کؤنوللو بيرليکدن، دئموکراتييادان صؤحبت گئده بيلمز. توتاليم، بير میللت اؤز حاقلارينا قوووشماق اؤچؤن آيريلماق قرارينا گليب. نه واختا قدر توپلا - توفنگله اونون اوزرينه گئديب فيکريندن داشينديرماق اولار؟ اونلارين سؤزلريندن بئله چيخير کي، اينسان حاقلارينا حؤرمت ائديلسه، غيري - فارس میللتلرين حاقلاري تانينارسا، اؤلکه پارچالانار. آخي، تاريخين هانسي بير کسيمينده بو فارس میللتچيلري، ايداره چيلري ايراندا ياشايان فرقلي توپلوملارا عئيني گؤزله باخدي و ايران پارچالاندي؟ بو تاريخين هانسي دؤورونده باش وئردي کي، ايندي بونلار بئله قورخورلار؟ اونلارين قورخوسو ايرانين پارچالانماسي دئييل. بؤتؤن میللتلره برابر حاقلار وئريلرسه، آري - فارس تفککورو میللتلره تزييق گوجوندن محروم اولار. اونلارين قورخدوقلاري بودور. دئمه لي، کيچيک خالقلاري دايم تزييق آلتيندا ساخلاديقلاريندان ايندي ده قورخورلار کي، بيردن آزادليق وئرريک ايران پارچالانار. بونا گؤره کيمسه مدني حاقلاردان دانيشاندا اونو قربه، آمئريکايا ايشله ين جاسوس آدلانديريرلار.
- ايراندا ايسلام رئژيمينه قارشي موباريزه آپاران موخاليف آيدينلارين، حرکتين اورانين زنگينلشديريلمه سي مثله سينه موناسيبتي نئجه دير؟
- رئژيم موخاليفلري نين ديليندن نووه سيلاهي الده ائتمه مکله باغلي هئچ بير فيکير ائشيتمه ميشيک. بوردا غريبه بير شئي يوخدور. بو فاکتدير کي، ايراندا نووه پروقرامي نين تمه لي شاه دؤنمينده آتيليب. ايراندا دا ايلک نووه رئاکتورو 1956- جي ايلده قورولوب. ايران شاه ي بئله او دؤورده بؤلگه نين ان گوجلو نووه اؤلکه سي اولماسيني ايسته ييردي. بو گون آدي تئز - تئز حاللانان بوشهر نووه ستانسيياسي دا 1975- جي ايلده تيکيليب. بو پريزمادان باخديغيميزدا آچيق گؤرونور کي، ايستر شاه چيلارين، ايستر ايسلام چيلارين، ايسترسه ده کوممونيستلرين تيمساليندا نووه آرسئنالينا صاحيب اولماق فارس دؤولتي نين تاريخي ائهتيراسيدير. اصلینده، اونلارين هاميسي اؤچؤن مقصد عئينيدير، آما مقصده يئتيشمه تاکتيکالاريندا فرقليليکلر وار. ميثال اؤچؤن، رئژيم موخاليفلري فيکيرلشيرلر کي، نووه آرسئنالينا صاحيب اولمازدان اول قرب اؤلکه لري ايله اولان اينامسيزليق پروبلئملريني حلل ائتمک لازيمدير. ايندييه ده ک ايسلام رئژيمينه موخاليف حرکت ايچينده هئچ کيمده ن « من ايستميرم ايران نووه سيلاهينا صاحيب اولسون» کيمي فيکيرلر ائشيتمه ميشم. قيساجا، ايستر رئژيم اولسون، ايسترسه ده موخاليفت، اونلارين موباريزه سي نين مغزي ايمپئريال تفککوردور .
عرب الیفباسینا کؤچؤره ن تبریز سسی خبر قوروپو
" موخاليف ليدئرلر بؤتؤن حقوقلار حاقيندا دانيشير، آما نؤوبه غير ـ فارس میللتلرين عاقيبتينه، مدني حاقلارينا يئتيشنده، سوسورلار "
اصلا ايراندان اولان تؤرکیه لي سياسي ائکسپئرت عاريف کسکين " آزادليق " راديوسونا موصاحيبه وئريب. موصاحيبه ني ايختيصارلا تقديم ائديريک:
- ايراني قاينار قازانا بنزه ديرلر. بير قايدا اولاراق بير نئچه اون ايلليکدن بير بو اؤلکه قاينايير. ايسلام اينقيلابي نين 31- جي ايلدؤنومونده باش وئرن بو حاديثه لر ماهيتجه دئموکراتيک دييشيکليکلر احتيياجيندان دوغور؟
- بو گون ايراندا ياشانان موباريزه يه « دئموکراتيک موباريزه دئييل » دئمک اولماز. ايندي ايراندا دئموکراتيک حرکت وار. ان گؤزچارپان حرکت ايسه پرئزيدئنت سئچکيسيندن سونرا فورمالاشميش «ياشيللار» حرکتيدير. آنجاق بو اؤلکه ده غئيري - فارس میللتلر، خصوصن ده آذربايجان تؤرکلري بئله دوشونور کي، بو « ياشيل » حرکت دئموکراتيک موباريزه آپارسا دا، اونون دئموکراتيک سيستئم قورا بيله جگينه اينانماق سادلؤوهلوکدور.
- اوميدسيزليک ندن قايناقلانير؟
- ايران مونوئتنيک بير اؤلکه دئييل. غير- فارس میللتلر، خصوصيله ده آذربايجان تؤرکلري دوشونورلر کي، ايراندا دئموکراتييا اولاجاقسا، بو، يالنيز بؤتؤن ائتنيک و ديني قروپلارين سياسي سيستئمده تمثيل اولونماسي نتيجه سينده باش وئره جک. آذربايجان تؤرکلري 20- جي عصرين اوللريندن، مشروطه اينقيلابيندان تا گونوموزه ده ک بو فيکره ساديقدير و اونو مودافيعه ائدير. اونلار حاقلي اولاراق دئييرلر کي، ايراندا فارس مرکزيت چي سيستئم هئچ بير زامان دئموکراتيک نتيجه لر وئره بيلمز و اونلارين تفککورو ايله « دئموکراتيک موباريز » ده ديکتاتورلوقلا نتيجلنر. ايران تاريخينده بونو تصديق ائدن ميثال لار سايسيزدير. ميثال اؤچؤن، مشروطه اينقيلابي فونوندا سياسي آرئنايا چيخان آذربايجان تؤرکلرينه قارشي مرکزچي فارس میللتچيليگي نين آپارديغي موباريزه و نتيجه ده رضا شاه ين حاکيميته گليشي.
ايسلام اينقيلابيندان سونرا دا ايران آذربايجانيندا دونيوي دؤولت اوغروندا موباريزه باشلادي. بو حرکت « خلقي موسلمان » آدلانيردي، رهبري دينين دؤولتدن آيريلماسيني تبليغ ائدن شيخ شريت مداري ايدي. هله او دؤورده بو حرکت آچيق دئييردي کي، ايراندا دئموکراتييا اولاجاقسا، بو، يالنيز تهران لا کيفايتلنه بيلمز. دئموکراتيک ايدئيالار غيري- فارس میللتلره ده شاميل ائديلمه لي، اونلارين دا مدني حاقلاري تانينماليدير. نينکي بو دئموکراتيک ايسته يه حؤرمت ائديلدي، عکسينه، بؤتؤن فارس آيدينلار ديني رهبر خميني نين اطرافيندا توپلاندي و « خلقي موسلمان » حرکتي ياتيريلدي. درحال دا آيتوللاه خميني توتاليتاريزمي باشلادي.
« پروبلئم رئژيمده يوخ، تفککورددير »
- تاريخده ياشانميشلاري بير کنارا قويساق، نئجه ائتمک لازيمدير کي، بو حرکت ايراندا ياشايان بؤتؤن میللتلري، ديني رئژيمدن نارازي بؤتؤن اينسانلاري اؤزونده بيرلشديرسين؟
- پروبلئم رئژيمله باغلي گؤرونسه ده، اصلینده، تفککورده ياتان ميللي آيري- سئچکيليکدير. توتاليم، « وطنداش آنلاييشي » مثله سي. ايراندا ياشايان غيري - فارس میللتلر ايران خالقي نين 2/3- ني تشکيل ائدير. بو میللتلر تاريخ بويو بو دؤولته فارس میللتيندن آز خيدمت ائتمه ييب. آنجاق تبليغات ائله بير فورمادا قورولوب کي، « ايران » دئينده، فارس اؤلکه سي، « ايران وطنداشي » دئينده ايسه، فارسلار نظرده توتولور. سانکي، بو اؤلکه نين اصيل صاحيبي فارسلاردير، باشقا میللتلر ايسه اوردان - بوردان گلمه ديرلر. توتاليم، فوتبول اوزره ايران ميللي کومانداسي نين عضولريني داشييان آوتوبوسون اوزرينده « فارس اولدوزلاري » يازيلير. آخي، بو ميللي کوماندادا اوينايان فوتبولچولارين اکثريتي غيري - فارسلاردير. بو جور ايشلرله غير - فارس میللتلر يادليق هيسس ائدير، اؤزلرينه حاقلي اولاراق ميللي کيمليک آختارماغا باشلايير. بونا گؤره ايراندا دئموکراتيک حرکتين اوغور قازاناجاغينا ايناميم آزدير. دئموکراتييا کوللئکتيو کيمليگي قبول ائدن قورولوشدور. کوللئکتيو کيمليک قبول اولونمورسا، فردي کيمليکدن صؤحبت گئده بيلمز. ايراندا آپاريلان موخاليف موباريزه نين، « ياشيللار » حرکتي نين دئموکراتييا آنلاييشي بو دئييل. اونلارين تک بير کوللئکتيو آنلاييشي وار : ايرانلي، يعني فارسلار. دئموکراتييايا بو جور ياناشيلديغي اؤچؤن تبيي کي، غيري - فارس میللتلر بو حرکتي بويکوت ائدير.
« ايرانداکي موباريزه اينسان حاقلاري اوغروندا دئييل، دونيويليک اوغروندادير »
- عاريف بي، آنجاق بؤيوک بير اؤلکه ده خالقين اکثريتي نين قبول ائتمه ديگي بير سياسي رئژيمه قارشي بير حرکت وارسا، مومکون دئييل کي، بو حرکت بو موخاليف اينسانلارين حاقلاريني نظره آلماسين. يعني، بو قدر امينسينيز کي، موخاليف حرکت اؤزونده اينسان حاقلاريني تاماميله احتيوا ائتمير؟
- ايراندا گئدن سياسي موباريزه حاقيندا دوشونرکن 2 مثله ني اونوتماماليييق. اونلاردان بيري بودور کي، « ياشيل » حرکت اينسان حاقلاري دئييل، دونيويليک اوغروندا موباريزه آپارير. هرچند، دئموکراتييا اوغروندا موباريزه آپارديغي دئييلسه ده، ايراندا ياشايان فرقلي میللتلره منسوب ميليونلارلا اينسانين ايفاده آزادليغي تانينمير. اونون طلب ائتديگي شئي سادجه، « دؤولت ديندن آيريلماليدير » شعاريدير. ايکينجيسي ايسه، فارس میللتچي آيدينلار بو ايسلام اؤلکه سيني فارس دؤولتي اولاراق تانيميرلار. اونلار دوشونور کي، فارس کيمليگي شيه کيمليگي نين تاپداغي آلتيندا ازيلير. بونا گؤره آياغا قالخيب عالي عيرق اولان فارس کيمليگيني عرب اصيللي شيعه کيمليگي نين عصارتيندن خيلاص ائتمک لازيمدير. « ياشيل » حرکت اصلینده ايرانلي کيمليگيني، فارس کيمليگيني ديني کيمليک ماسکالاريندان خيلاص ائتمک، اونو تميزله مک و يئنيدن اوجالتماق مقصدي ايله موباريزه آپارير.
- اوندا بئله دوشونمک اولارمي کي، بئله وضعيتده سياسي رئژيم دييشيلرسه، ايرانين ايکينجي بالکان اولماق احتيمالي وار.
- تأسوف کي، بو احتيمال وار و مومکون پروقنوزلار ايچينده او، داها چوخ رئال گؤرونور. اؤزونوز دوشونون، قفيلدن رئژيم دييشيلير و عصرلر بويو بير يئرده ياشاماغينا باخماياراق بير - بيرينه ائله ده حؤرمتي اولمايان میللتلرين الينه آزادليق و آرزولاريني رئاللاشديرماق ايمکاني دوشور. کيم دئيه بيلر کي، ايران بالکان اولا بيلمز؟ چونکي بالکان اولماق شرايطي مؤوجوددور. میللتلر آراسيندا نيفاق، ائلجه ده بو میللتلره حؤرمت بسليه جک دئموکراتيک سيستئم يوخدور. تبيي کي، فارس- تؤرک ، کورد- فارس، فارس- عرب ساواشلاري چيخا بيلر. ايرانين بالکان اولماماسي اؤچؤن ان آزي موخاليف حرکتلرين ايچينده اصل دئموکراتييا اولماليدير. هئچ اولماسا موخاليفلر اينسان حاقلارينا، میللتلرين مدني حاقلارينا حؤرمت بسله مه ليدير. سيز فيکير وئرين، موخاليف ليدئرلر بؤتؤن حقوقلار حاقيندا دانيشير، آما نؤوبه غير - فارس میللتلرين عاقيبتينه، اونلارين مدني حاقلارينا يئتيشنده، سوسورلار.
« ايراندا مدني حاقلاردان دانيشاني آمئريکا جاسوسو آدلانديريرلار »
- سيزين بو فيکيرلرينيزه آلتئرناتيو اولاراق ايران موخاليف ليدئرلري ده قئيد ائدير کي، غيري - فارس میللتلرين مدني حاقلاري کونستيتوسييادا نظرده توتولدوغو فورمادا رئاللاشسا، اؤلکه پارچالانار…
- بونو هامي بيلمه ليدير کي، هئچ بير دئموکراتيک اؤلکه ده اؤلکه بؤلونر دئيه، میللتلرين حاقلاري اليندن آلينا بيلمز. دئموکراتييا کؤنوللو ، آرزولو ايشتيراکدير. بير يئرده تزييق، تحريک، قورخو وارسا، کؤنوللو بيرليکدن، دئموکراتييادان صؤحبت گئده بيلمز. توتاليم، بير میللت اؤز حاقلارينا قوووشماق اؤچؤن آيريلماق قرارينا گليب. نه واختا قدر توپلا - توفنگله اونون اوزرينه گئديب فيکريندن داشينديرماق اولار؟ اونلارين سؤزلريندن بئله چيخير کي، اينسان حاقلارينا حؤرمت ائديلسه، غيري - فارس میللتلرين حاقلاري تانينارسا، اؤلکه پارچالانار. آخي، تاريخين هانسي بير کسيمينده بو فارس میللتچيلري، ايداره چيلري ايراندا ياشايان فرقلي توپلوملارا عئيني گؤزله باخدي و ايران پارچالاندي؟ بو تاريخين هانسي دؤورونده باش وئردي کي، ايندي بونلار بئله قورخورلار؟ اونلارين قورخوسو ايرانين پارچالانماسي دئييل. بؤتؤن میللتلره برابر حاقلار وئريلرسه، آري - فارس تفککورو میللتلره تزييق گوجوندن محروم اولار. اونلارين قورخدوقلاري بودور. دئمه لي، کيچيک خالقلاري دايم تزييق آلتيندا ساخلاديقلاريندان ايندي ده قورخورلار کي، بيردن آزادليق وئرريک ايران پارچالانار. بونا گؤره کيمسه مدني حاقلاردان دانيشاندا اونو قربه، آمئريکايا ايشله ين جاسوس آدلانديريرلار.
- ايراندا ايسلام رئژيمينه قارشي موباريزه آپاران موخاليف آيدينلارين، حرکتين اورانين زنگينلشديريلمه سي مثله سينه موناسيبتي نئجه دير؟
- رئژيم موخاليفلري نين ديليندن نووه سيلاهي الده ائتمه مکله باغلي هئچ بير فيکير ائشيتمه ميشيک. بوردا غريبه بير شئي يوخدور. بو فاکتدير کي، ايراندا نووه پروقرامي نين تمه لي شاه دؤنمينده آتيليب. ايراندا دا ايلک نووه رئاکتورو 1956- جي ايلده قورولوب. ايران شاه ي بئله او دؤورده بؤلگه نين ان گوجلو نووه اؤلکه سي اولماسيني ايسته ييردي. بو گون آدي تئز - تئز حاللانان بوشهر نووه ستانسيياسي دا 1975- جي ايلده تيکيليب. بو پريزمادان باخديغيميزدا آچيق گؤرونور کي، ايستر شاه چيلارين، ايستر ايسلام چيلارين، ايسترسه ده کوممونيستلرين تيمساليندا نووه آرسئنالينا صاحيب اولماق فارس دؤولتي نين تاريخي ائهتيراسيدير. اصلینده، اونلارين هاميسي اؤچؤن مقصد عئينيدير، آما مقصده يئتيشمه تاکتيکالاريندا فرقليليکلر وار. ميثال اؤچؤن، رئژيم موخاليفلري فيکيرلشيرلر کي، نووه آرسئنالينا صاحيب اولمازدان اول قرب اؤلکه لري ايله اولان اينامسيزليق پروبلئملريني حلل ائتمک لازيمدير. ايندييه ده ک ايسلام رئژيمينه موخاليف حرکت ايچينده هئچ کيمده ن « من ايستميرم ايران نووه سيلاهينا صاحيب اولسون» کيمي فيکيرلر ائشيتمه ميشم. قيساجا، ايستر رئژيم اولسون، ايسترسه ده موخاليفت، اونلارين موباريزه سي نين مغزي ايمپئريال تفککوردور .
عرب الیفباسینا کؤچؤره ن تبریز سسی خبر قوروپو
هیچ نظری موجود نیست:
ارسال یک نظر