- جو ايل مايين سونلاريندان اعتيبارن ياخين دوغو منطقه سینده وضعيت داها دا گرگينلشيب.
ايسرايل-ين يارديم آپاران گميلره سيلاحلي باسقيني و اينسانلارين اؤلومو نتيجه سينده يارانميش آژيوتاژا پارالئل اولاراق آ.ب.ش و ايسرايل-ين ايران سرحدلري ياخينليغندا حربي وارليقلاريني گوجلنديرمه یه چاليشماسي منطقه ده کي پروسئسلري داها دا تهلوکه لي ايستيقامته آپارير. هله ماي آيي نين اورتالاريندا ايسرايل کشفياتينا ياخينليغييلا بيلينن "دئبکا" سايتي، اوباما حاکيميتي نين ياخين گونلرده آراليق دنيزي و ايران کؤرفزينده کي آ.ب.ش حربي پوتئنسياليني علاوه هاوا و دنيز قوووه لرييله (ماشینلار و آرتیریلان 6000 دنيز پيياداسي ايله) گوجلنديرمک باره ده قرار وئرديگيني يازميشدي. پلان اساسیندا طياره داشييان و نووه باشليقلارينا صاحيب اولدوغو دا ايديعا اولونان "او.س.س هئرري ترومئن" گميسي ليدئرليگينده يئني دنيز قوووه سي هئيتي نين کؤرفزه گله جگي و بئلجه کؤرفزده آرتيق ايکي بو جور بير گمييه صاحيب اولاجاغي نظرده توتولوردو.
مايين سونوندا ياييلان خبرلرده ايسرايل و آ.ب.ش-ين بؤلگه ده ايرانا هوجوملا باغلي حربي دنيز تعليملري کئچيره جگي و حتّی بير آلمان گميسي نين (ف.گ.س هئسسئن) ده بو تعليملرده ايشتيراک ائده جگي بيلديريليردي. سون گونلرده ايسه منطقه ده گرگينليگين آرتاجاغي ايستيقامتده خبرلر داها دا آرتدي. اولجه اينگيلتره نين نوفوزلو تایمز قزئتي، تورکيه ايله آراسي پوزولان ايسرايل-ين سعودي عربيستان-يلا يئني بير سوزلشمه ایمضالاماسی، بو اؤلکه نين هاوا ساحه سيني ايسرايل-ه آچاجاغيني يازدي. داها سونرا سعودي عربيستان رهبرليگي، ايديعالاري يالانلادي. بو باره ده تام دقيق معلوماتلار اورتايا چيخمادان بو دفعه ، مصرده کي "القدس العربي" قزئتي، اييونون 18-ده آ.ب.ش-ين بير طياره داشييان گميسي نين و 11 حربي گميسي نين سوئز کاناليندان قيرميزي دنيزه کئچديگيني، يانلاريندا بير ده ايسرايل حربي گميسي نين اولدوغونو يازدي. اييونون 24-ده ايسه ايرانين فارس خبر آژانسی، ايسرايل هله کوپتئرلرینين اييونون 18-ده، يني گميلرين سوئز کاناليندان کئچديگي گون سعودي عربيستان-داکي بير هاوا ليمانينا ائنه رک سيلاح و بومبا يوکو بوشالتديغيني ايديعا ائتدي. موختليف اؤلکه لرين مئدیالاریندا ايسرايل و آ.ب.ش-ين ايرانا قارشي بير حربي موداخيله حاضيرليغي ايچينده اولدوغو، حتّی ايسرايل-ين هوجومو گورجوستان اوزريندن (گورجوستان-ين ايران-ا بيرباشا سرحددي اولماديغيندان بو اؤلکه يه علاوه اواراق ايران-ين هانسي قونشوسونون هاوا ساهه سيندن ايستيفاده ائديله جگي ماراقلي قالير) ائده جگي باره ده گئنيش يازيلار درج اولونماغا باشلانيب.
بئله ليکله منطقه نؤوبتي دفعه حربي پلانلارين کؤلگه سينده قاليب. ايرانين نووه پروقرامي اطرافيندا يارانميش پروبلئم اولجه بو اؤلکه نين تورکيه و برازيلييا ايله ايمضالاديغي نووه موباديله سي موقاويله سي ايله سانکي حل ائديله جکميش کيمي گؤرونتويه صاحيب اولموش، داها سونرا ب.م.ت تهلوکه سیزلیک شوراسینين ايران-ا قارشي سرت تحریملری باره ده قراري، گرگينليگين آرتاجاغينا داير ايشاره لر مئيدانا چيخارميشدي. آمما، گرگينليگين هانکي موستويده داوام ائده جگي ايله باغلي دا سواللار جاوابسيز قاليردي. ايندي ايسه بير ياندان ب.م.ت ت.ش-نين قرارلارينا علاوه اولاراق آ.ب.ش، آوروپا بيرليگي، کانادا و باشقا بعضي دؤولتلر داها سرت يئني تحریملر قرارلاري آليرلار. ديگر ياندان ايسه آ.ب.ش و ايسرايل منطقه ده کی حربي پلانلاريني ايشه سالير. بوتون بونلار ايسه اونو گؤسترير کي، آ.ب.ش و ايسرايل (اصلينده ب.م.ت ت.ش-دکي سون سسوئرمه ده ده گؤروندويو کيمي روسييا و چين ده داخیل) ايران-ين نووه پروقرامي ايله باغلي غئيري-موعينليگين داوام ائتمه سي ايله راضيلاشميرلار. نتيجه هانکي يوللا اولورسا اولسون، يا ياخين يا دا اورتا پئرسپئکتيوده موطلق الده ائديلمه يه چاليشيلاجاق.
*بو مقاله اویرنجی سیته سی طرفیندن کوچورولموشدور
هیچ نظری موجود نیست:
ارسال یک نظر